အဖေနဲ့ အမေတို့က အစိုးရ ၀န်ထမ်းတွေလေ၊ ဒီတော့ နယ်မြို့ လေးတွေ တော်တော်များများမှာ အနည်းဆုံး ၃နှစ် စီလောက်တော့ နေခဲ့ရတာ ချည်းပဲ။

တနင်္သာရီတိုင်းနဲ့ပဲ အကျိုးပေး ခဲ့တာလားတော့ မပြောတတ်ဘူး၊ ကျွန်တော်ကို မွေးတော့ မိဘတွေက သရက်ချောင်း ဆေးရုံမှာ တာဝန်ကျချိန်လေ. ထားဝယ်ဆေးရုံမှာ မွေးခဲ့တော့ ထားဝယ်သားပေါ့၊ အဲဒီ နောက်မှာတော့ မြိတ်၊ ဘုတ်ပြင်း၊ ကော့သောင်း စတဲ့ တနင်္သာရီ တိုင်းထဲက မြို့ တွေထဲမှာပဲ ကျွန်တော့် ၇တန်း ကျောင်းသား ဘ၀အထိ ကျင်လည် နေခဲ့ရတာပါ။

ကော့သောင်းကို စရောက်ရောက်ချင်း ဖြစ်ခဲ့တဲ့ အမှတ်ရ စရာလေးကိုတော့ ငယ်စဉ်ဘ၀ - ၂ မှာ ရေးထား ခဲ့ပြီးပါပြီ။ အဲဒီနောက်ပိုင်း အဲဒီ အဆောင်ကနေ ၀န်ထမ်း အိမ်ယာက လုံးချင်း တစ်ထပ်တိုက်လေး တစ်ခုကို ပြောင်းနေရတယ်။ အိမ်က ဆေးရုံထက်စာရင် နိမ့်ပေမယ့် ကုန်းထိပ်မှာလို့ ပြောလို့ ရလောက်တဲ့ နေရာမျိုး.. လမ်းမကြီးတစ်ခု ပေါ်မှာ ရှိတာမျိုး မဟုတ်ဘဲ သီးသန့် ရပ်ကွက်လေး တစ်ခုလို ဖြစ်နေတဲ့ အတွက် ဆိုင်ကယ်တွေ ဘာတွေလည်း သိပ်မများတဲ့ နေရာပေါ့..

အိမ်ရဲ့ ပတ်ပတ်လည်မှာတော့ အရိပ်ကောင်းတဲ့ အပင်တွေ အပါအ၀င် ကျွန်တော်တို့ အကြိုက် မာကလာပင်၊ ဇီးသီးပင်၊ ဗန်ဒါပင်၊ သရက်ပင်၊ မန်ကျည်းပင် အစရှိတဲ့ အပင်တွေက ၀န်းရံလို့လေ. ပျော်စရာကြီးပေါ့..

ငယ်ငယ်တုန်းက တနင်္သာရီ တိုင်းထဲမှာ အနေများ ခဲ့ပေမယ့် ရန်ကုန်မှာရှိတဲ့ ဆွေးမျိုးတွေ ဆီကို တစ်နှစ်တစ်ခါ လောက်တော့ အလည်ရောက် ဖြစ်ခဲ့ပါတယ်။ နွေရာသီ ကျောင်းပိတ်ရက် တွေဆို အမေနဲ့ သားများ ရန်ကုန်သို့ ချီတက် ကြသတည်းပေါ့..

ရန်ကုန် လေယာဉ်ကွင်းကို ရောက်တာနဲ့ ပထမဆုံး ဆီးကြိုလေ့ ရှိသူကတော့ အမေ့ညီမ အငယ်ဆုံး.. ကျွန်တော်တို့ရဲ့ အဒေါ်ပေါ့.. လေဆိပ် အဆောက်အဦရဲ့ မှန်အပြင်ဘက် ကနေ လက်ပြပြီး ကြိုဆိုခဲ့တာကို အခုထိ မှတ်မိနေဆဲပါပဲ.. အဲဒီနောက်မှာတော့ အဲဒီအဒေါ်ရဲ့ ကားလေးနဲ့အတူ ရန်ကုန်မြို့ ရဲ့ မာကျူရီ ဓာတ်တိုင်တွေကို ဖြတ်သန်းသွားတာ ထိုင်ကြည့်ရင်း ရန်ကင်းမှာ ရှိတဲ့ အဖိုးအဖွားတွေရဲ့ အိမ်ကို ရောက်ရောက် သွားခဲ့တာ ချည်းပါပဲ.. ဘယ်လမ်းက ဘယ်လိုသွားတယ် ဆိုတာထက် မမြင်ဖူး မတွေ့ဖူး တာတွေကို ငေးကြည့်ရင်းနဲ့ပဲ ရောက်မှန်းမသိ ရောက်ခဲ့ ရတာတွေပါ။

တနင်္သာရီ တိုင်းထဲမှာပဲ အနေများတော့ လူတွေက ဆားငွေ့ ရိုက်တဲ့ဒဏ်.. ပင်လယ် လေဒဏ်တွေ အပြင် နေပူမရှောင် မိုးရွာမရှောင် ကဲခဲ့ တာတွေကြောင့် မဲတူးပြီး ချစ်စရာ မကောင်းတဲ့ ရုပ်လေးတွေနဲ့ပေါ့.. အသံတွေက ၀ဲကြတော့ အားလုံးအတွက် ရုပ်တွေက ချစ်စရာ မကောင်းပေမယ့် အသံဝဲတာကိုပဲ စနောက်စရာ ရယ်စရာ မောစရာ လေးတွေ ဖြစ်နေတာပေါ့..

“ဖောင်း.. ဒိုင်း.. ဒိုင်း.. ဒိုင်း..”

ဟိုက်..! ဒုက္ခ ဘယ်လိုဖြစ်တာပါလိမ့်..? အခု ဘယ်နှလပိုင်းပါလိမ့်.. သြဂုတ်လ.. ဟာ..! ဘယ်လိုဖြစ်ကြတာလဲ.. အခုမှ သြဂုတ်လ ၂၆ ရက်နေ့.. သီတင်းကျွတ်ဖို့ တစ်လ၊ တစ်လခွဲတောင် လိုသေးပေမယ့် လမ်းထဲမှာရှိတဲ့ ကလေး ကြီးငယ် အရွယ်စုံ တို့ကတော့ ဗျောက်အိုးသံ တစ်ဖောင်းဖောင်း.. တစ်ဒိုင်းဒိုင်းနဲ့ ဆော်ကုန်ကြချေပြီ..။

ပြိုပျက်ခဲ့တဲ့ အိပ်မက်တစ်ခု အကြောင်း

ဟိုးအဝေးကြီးကို လှမ်းမျှော်ကြည့်လိုက်တော့ မြင်လို့မဆုံး ကြည်လင်စွာ လှပနေတဲ့ စိမ်းစိမ်းစိုနေတဲ့ လယ်ကွင်းတွေသာ အမြင်အာရုံထဲ တိုးဝင်လို့ လာခဲ့တယ်။ ညင်သာစွာ တိုးဝှေ့တိုက်ခတ်နေတဲ့ လေပြေညင်းလေးတွေကြားမှာ မလှုပ်မရွေ့ ဘဲ ခပ်တွေတွေကလေး ရပ်နေမိတယ်။ သူ တွေးနေမိတာက သူ့အတိတ်… သူ စဉ်းစားနေမိတာက သူ့ရဲ့ အတိတ်က ကောင်မလေး တစ်ယောက်အကြောင်း… သူ နောင်တရနေတာလား… သူ လွမ်းဆွတ်ကြေကွဲနေတာလား… ဒါမှမဟုတ် သူ ဘာကို ခံစားနေရလဲဆိုတာ သူကိုယ်တိုင်လည်း နားမလည်နိုင်တော့…

ကြောက်လန့်ခြင်း.. စိုးထိတ်ခြင်း.. အားငယ်ခြင်း.. အဖော်မဲ့ခြင်းတို့နဲ့အတူ မှိန်ပြပြ မီးလုံးလေးရဲ့ အလင်းရောင် အောက်မှာ တစ်ယောက် တည်း၊ အိပ်ယာ ကုတင်တစ်ခုပေါ်မှာ ဖြစ်တာကြောင့် ခြင်ထောင်အစတို့ကို အောက်က ခင်းထားတဲ့ ဖျာအောက်ထဲ အတင်းထိုးသွင်းထားပြီး စောင်ကို ခေါင်းမြီးခြုံကာ ဟိုအတွေး ဒီအတွေးတွေနဲ့ တွေးတွေးရင်း ကြောက်စိတ်တွေက ပိုပိုဆိုးဝါး လာခဲ့တယ်။ တိတ်ဆိတ်ငြိမ်သက် လွန်းလှတဲ့ ညတစ်ညမှာ အဖော်လည်းမရှိ ရှည်လျားလွန်းတဲ့ ဘားတိုက်တစ်ခုထဲ ရောက်နေခဲ့ရသူက ကျွန်တော်…

မြန်မာနိုင်ငံရဲ့ တောင်ဘက် အစွန်းကျဆုံးဖြစ်တဲ့ နယ်စပ်မြို့ လေး... ဟိုဘက်ကမ်းက ထိုင်းနိုင်ငံ ရနောင်း.. အလယ်မှာ ပါချန်မြစ်က ခြားထားပြီး မြန်မာပြည်ဘက်မှာတော့ ကော့သောင်းမြို့ လေးပေါ့.. ဆိုင်ကယ်မြို့ တော်လို့ တင်စားခြင်း ခံရလောက်အောင် ဆိုင်ကယ်ကိုပဲ အဓိကထားတဲ့ နေချင်စဖွယ် မြို့ လေးပါ... ကုန်းတက်ကုန်းဆင်းတွေက များတာမို့လည်း စက်ဘီးက မတွင်ကျယ်လှဘူးလေ...

အလယ်တန်းကျောင်းသား ဘ၀ကို အဲဒီဒေသလေးမှာ စတင်ခဲ့ရသလို.. အဲဒီ မြို့ ရဲ့ အလယ်တန်းကျောင်းလေး တစ်ခုမှာပဲ ၅တန်းကနေ ၇တန်းထိ ပညာဆည်းပူးခဲ့ရတာပါ၊ အဖေနဲ့ အမေတို့က ဆရာဝန်တွေဆိုတော့ အဲဒီမှာ ၃နှစ် တာဝန်ထမ်းဆောင် ခဲ့ကြရတယ်။ ဘုတ်ပြင်းကနေ ကော့သောင်းကို ပြောင်းလာခဲ့ရတာပါ.. ရောက်ရောက်ချင်း နေ့မှာပဲ အမှတ်ရစရာ အဖြစ်တစ်ခုကို ရင်ဆိုင်ခဲ့ရပါတော့တယ်.. ဖြစ်ပုံက ဒီလို..

ငယ်စဉ်အခါတုန်းကပေါ့.. တော်တော်လေး ငယ်ပါသေးတယ်.. ရှိလှ ၂တန်း ၃ တန်းအရွယ်ပေ့ါ... တနင်္သာရီတိုင်းက ပင်လယ်ကမ်းစပ်မှာရှိတဲ့ ချောင်ကျကျ မြို့ လေး တစ်မြို့ မှာ.. မြို့ နာမည်က ဘုတ်ပြင်းတဲ့... မြိတ်နဲ့ ကော့သောင်းကြားမှာ ရှိတဲ့ မြို့ လေးပေါ့.. အဲဒီတုန်းက လမ်းပန်း ဆက်သွယ်ရေး ဆိုတာက အခုလောက် အဆင်မပြေသေးချိန်.. တစ်လလုံးနေမှ စက်လှေ တစ်စီး နှစ်စီးလောက် မြိတ်ကို သွားတတ်တာ.. အဖေနဲ့ အမေတို့ တာဝန်ကျလို့ ရောက်နေချိန်မှာပေါ့...

အိမ်နီးနားချင်း သူငယ်ချင်း အပေါင်းအသင်းတွေနဲ့ အိမ်ကြိုအိမ်ကြား ချုံကြို ချုံကြား.. ကလေးသူငယ်တို့ သဘာဝ သေနတ်ပစ်တိုင်း ကစားကြတာ.. သူက ဗိုလ်လုပ် ကိုယ်က နောက်လိုက်.. သူက ရဲဆို ကိုယ်က လူဆိုး.. အဖွဲ့တွေခွဲ စခန်းတွေချ.. လက်နက်တွေလုပ်ကြနဲ့ ပျော်စရာ ကောင်းလိုက်တဲ့ အတိတ်. အခုထိ မမေ့သေးပါဘူး.. ရှက်ရကောင်းမှန်းလည်း မသိခဲ့သလို.. ဂုဏ်ပကာသနတွေ ဘာတွေ ညာတွေ လာမပြောနဲ့ ဘာမှနားမလည်သေးချိန်.. ပင်လယ်ကမ်းစပ်မှာ ရှိတဲ့ စက်လှေပျက်တစ်စင်းဆီမှာ တက်လိုက် ဆင်းလိုက်.. မရောက်ဖူးတဲ့ နေရာ မရှိလောက်အောင်ပင် တော်တော် ကဲခဲ့ကြချိန်ပေါ့..