မနေ့က အသက် ၂၇နှစ်ပြည့်မို့ ရုံးက လုပ်ဖော်ကိုင်ဖက်တွေ အားလုံးကို နေ့လည်စာ အဖြစ် မြိတ် ကိုက်ကြေးကိုက် ၀ယ်ကျွေးဖြစ်ခဲ့သလိုပဲ ညကျတော့ အိမ်က မိသားစုတွေ ကိုလည်း မြိတ် ကိုက်ကြေးကိုက်ပဲ ၀ယ်ကျွေး ဖြစ်ခဲ့ပြန်တယ်လေ။ ဒါက အခုလို ရေးရခြင်းရဲ့ အကြောင်းအရင်း တစ်ခုပါပဲ...

x x x

မြိတ် ကိုက်ကြေးကိုက်လို့ ပြောရမယ် ဆိုရင် အမှတ်ရစရာ အဖြစ်အပျက် လေးတွေလည်း အစီအရီ ရှိနေခဲ့ပါတယ်။ သရက်ချောင်း၊ မြိတ်၊ ဘုတ်ပြင်း၊ ကော့သောင်း အစရှိတဲ့ တနင်္သာရီက မြို့ တွေမှာ နေခဲ့ဖူးသူ တစ်ယောက် အတွက်တော့ မြိတ်ကတ်ကျေးကိုက် ဆိုတာက မစားချင် အဆုံးလို့တောင် ပြောရမယ့် အစားအစာ တစ်ခုလိုပါပဲ။ ဒါပေမယ့် နောက်ဆုံး ကော့သောင်းကို စွန့်ခွါခဲ့ရချိန်ကစပြီး ကတ်ကြေးကိုက် ဆိုတာ အမြဲ သတိတရနဲ့ စားချင်နေတတ်ခဲ့တဲ့ အစားအစာ တစ်ခုလိုပါပဲ။ အမေကတော့ သူရှိတဲ့ အချိန်တွေမှာ ခဏခဏ ကြော်ကျွေး တတ်တယ်။ အဲ့ဒီဘက်မှာ နေတာ ကြာလို့ ထင်ပါတယ်။ အမေတောင် တော်တော်လေး ကတ်ကြေးကိုက် ကြော်တတ် နေတယ်လေ။  အမေ့လိုပဲ အကြော်ကောင်းတဲ့ အခြား တစ်ယောက်လည်း မှတ်မှတ်ရရ ရှိနေသေးတယ်။ သူကတော့ သူငယ်ချင်း ဇေယျာရဲ့ အမေလေ။ သူ့လက်ရာလည်း စားလို့ ကောင်းတဲ့ ထိပ်တန်း လက်ရာ တစ်ခုပါပဲ...

x x x

မွေးနေ့ ဘာကျွေးရမလဲ စဉ်းစားတော့ ကတ်ကြေးကိုက် ကိုပဲ ပြေးမြင်မိတယ်လေ။ မနေ့က ကတ်ကြေးကိုက် ဆိုင်မှာ ကိုယ်တိုင် သွားဝယ် ဖြစ်ခဲ့ပါတယ်။ ဆိုင်က နာမည်ကြီး မဟုတ်ပါဘူး။ ခမ်းခမ်းနားနားနဲ့ နေရာထိုင်ခင်းလည်း မရှိပါဘူး။ အမြဲ ၀ယ်စားနေကြ ညဈေး ကားဂိတ်နားက မီးရထားလမ်း တံတိုင်းကို ကျောပေးပြီး ဖွင့်ထားတဲ့ လမ်းဘေး ဆိုင်လေးပါ။ ဒါပေမယ့် လက်ရာကတော့ ဆိုင်ကြီးတွေ ထက်တောင် ကောင်းပါသေးတယ်။ တစ်ပွဲ ၁၂၀၀ နဲ့ ရောင်းပြီး ပင်လယ်စာနဲ့ ပုဇွန်တွေ၊ ကင်းမွန် (ပြည်ကြီးငါး)တွေ အများကြီး ထည့်ပေးတာမို့ အတော်လေးကို ဈေးတန်တဲ့ ကတ်ကြေးကိုက် ပါပဲ။

ရောက်တော့ ကျွန်တော်က သူတို့ကို အများကြီး ၀ယ်ချင်ပါတယ်လို့ ပြောတော့... ဆိုင်ရှင် လင်မယား နှစ်ယောက် မျက်လုံးတွေ အရည်လဲ့ သွားတယ်လေ။ မိန်းမ ဖြစ်သူက မြိတ်သံ ၀ဲဝဲနဲ့ ရတယ်. အကုန်ရှိတယ်. ရှယ်လုပ်ပေးမယ်ပေါ့။ ဒါနဲ့ ကျွန်တော်က ရုံးက လူအရေအတွက် အတိုင်း ၁၇ပွဲ လုပ်ပေးပါဆိုတော့ သူ့မျက်နှာမှာ ပေါ်လာတဲ့ အပြုံးက ကျွန်တော့်ကိုပါ တစ်စုံတရာ ခံစားချက် တစ်ခု ဖြစ်စေခဲ့ပါတယ်။ နောက် သူက သူ့ယောက်ျားကို ကိုရေ.. ၁၇ပွဲတဲ့ ပါဆယ်.. ဆိုပြီး မြိတ်သံ အပြည့်နှင့်ပင် လှမ်းအော်ပြောကာ ထမကရုံ တမယ် ပျော်ရွှင်ပြီး ကျွန်တော်တို့ကို ပြန်လာမလား စောင့်မလား နာရီဝက်လောက် ကြာမယ် ဘာညာ ပြောတာပေါ့။ ကျွန်တော်တို့က စောင့်မယ် ဆိုတော့ အအေးတိုက်တယ်လေ။

ချက်ချင်းပဲ သူတို့ အတွက် လိုအပ်မယ့် အရာအချို့ ကို ပြေးဝယ်ပြီး တကယ့်ကို အကောင်းဆုံး ဖြစ်အောင် လုပ်ပေး ကြရှာပါတယ်။ ယောက်ျားဖြစ်သူက ပြုံးပြုံး ပြုံးပြုံး ကြော်လှော်နေချိန်မှာ မိန်းမ လုပ်သူက လိုအပ်တာ အကုန် ဘေးကနေ ၀ိုင်းကူပေးတယ်လေ။ ပွဲကများတော့ အတော်လေး ကြာကြာ ထိုင်စောင့်လိုက်ရပြီး နောက်ဆုံး ပွဲ၂၀ (နောက် ၃ပွဲ ထပ်မှာဖြစ်ခဲ့) ပြီးချိန်မှာတော့ အချိန်က ၂နာရီတောင် ထိုးလုနီး တော့မယ်လေ။

ညနေ ရောက်တော့ ကျွန်တော် သူတို့ ဆိုင်ကို ထပ်သွား ဖြစ်ခဲ့သေးတယ်။ အိမ်က မိသားစုတွေ စားဖို့ ထပ်ဝယ် ဖြစ်တာပေါ့။ မနက်ကလောက် အများကြီး မ၀ယ်ဖြစ်ပေမယ့် ၉ပွဲလို့ မှာတော့ သူ (ထိုမိန်းမ) တစ်ချက်တွေ သွားတယ်။ ကျွန်တော်က ဘာလဲ မလောက်တော့ဘူးလား မေးတော့.. မဟုတ်ဘူး လောက်ပါတယ်တဲ့။ ဒါဆို... လို့ ထပ်ပြောတော့.. ဒီလိုလုပ်လေတဲ့ ကြက်သား နည်းနည်း ရောလိုက်မယ်လေတဲ့... အသားတွေ အများကြီး ပိုထည့် ပေးပါ့မယ်တဲ့... ပင်လယ်စာ သိပ်မကျန် တော့လို့ မရမက ညှိနေရှာတယ်လေ... ဒါဆိုလည်း လုပ်ပါလို့ ပြောတော့မှ မနက်ကလိုပဲ အပြုံးတွေကို တစ်ခါ ထပ်မြင်လိုက်ရပါတယ်။ တက်တက်ကြွကြွနဲ့ လင်မယား နှစ်ယောက် စီးပွားအတူ လုပ်နေကြတဲ့ သူတို့နှစ်ဦးကို ထိုင်ကြည့်ရင်း ကျွန်တော် အတွေးတွေ အများကြီး ခရီးရောက် ခဲ့ရပါတယ်။ နောက်ဆုံး သူတို့ဆိုင်က ထွက်တော့ မနက်ကလိုပဲ ကျေးဇူး... အများကြီး... တင်ပါတယ် လို့ တစ်လုံးချင်း ပြောပြီး လှိုက်လှိုက်လှဲလှဲ ကျေးဇူးတင်နေ ရှာတယ်လေ။ ဒါက မနေ့က မွေးနေ့မှာ ကြုံခဲ့ရတဲ့ ကတ်ကြေးကိုက် အကြောင်းတွေပေါ့...။

x x x

ကော့သောင်းမှာ ရှိစဉ်ကဆိုရင် လမ်းဘေးက ကတ်ကြေးကိုက် ဆိုင်တွေဆိုတာ ပေါမှပေါ။ ခဏခဏ ၀ယ်စားဖြစ်တယ်လေ။ အစ်ကို အကြီးဆုံး ဖြစ်သူကတော့ ဂိတ်ဆုံးဆိုတဲ့ အစပ်မျိုးနဲ့ စားတတ်သူမို့ ကတ်ကြေးကိုက်သယ် ကုလားကြီးက သူ့အတွက်ဆိုရင် အစပ်ဆုံး လုပ်ပေးလေ့ ရှိတယ်လေ။ ငယ်ငယ်တုန်းက အကြောင်းတွေ သိပ်မမှတ်မိတော့ ပေမယ့် အဲ့ဒီ ဘုရင့်နောင် ရပ်ကွက် လမ်းဘေးသယ် ကုလားကြီးကိုတော့ ဘာလို့လည်း မသိဘူး မှတ်မိနေတယ်။

ကျွန်တော့်မှာ အစ်ကို နှစ်ယောက်နဲ့ ညီတစ်ယောက် ရှိတယ်။ ညီအစ်ကို လေးယောက်စလုံး ကတ်ကြေးကိုက် ကြိုက်ကြတယ်လေ။ ကြိုက်တယ်ဆိုတာက တော်ရုံ ကြိုက်တာမျိုး မဟုတ်ဘူး။ အတော်လေးကို ကြိုက်ကြတာ။ တစ်နေ့ ညီအစ်ကို လေးယောက် ရန်ကုန်က မောင်တိတ် ကတ်ကြေးကိုက်ဆိုင် (ဘောင်ဒရီက ဆိုင်) ကို ထမင်းစားချိန် နေ့လည်ခင်း ရောက်သွားတယ်လေ။ အဲ့ဒါနဲ့ ပွဲကြီးတစ်ပွဲ မှာစားကြတော့ လေးယောက်သား အလုအယက် မစားရုံ တမယ်ပါပဲ။ ခဏလေးနဲ့ ပွဲကြီးတစ်ပွဲက ပြောင်သွားပါလေရော... (ဒါ အစားကြီးတဲ့ သူတွေ၊ အစားမြန်တဲ့ သူတွေကြောင့်လည်း ပါတာပေါ့နော်...) ဒါနဲ့ အာသာ မပြေသေးတဲ့ ညီအစ်ကို လေးယောက် ဘာလုပ်ကြတယ် မှတ်လဲ။ ဟိုး ဖားကန့်မှာ ရှိတဲ့ အဖေနဲ့ အမေဆီကို ဖုန်းဆက်တယ်။ အမေနဲ့ တွေ့တော့ ဟဲဟဲ. မောင်တိတ်ဆိုင်မှာ ကတ်ကြေးကိုက် လာစား နေကြတယ်ပေါ့။ ပြီးလည်း ပြီးရော စကားရော ဖောရောနဲ့ ကတ်ကြေးကိုက် တစ်ပွဲတည်း စားရတာ အားမရလို့ နောက်တစ်ပွဲ ထပ်စားချင်တာ အမေတို့ ကျွေးမလားလို့ လှမ်းမေးတာလေ... မာတာမိခင် အမေ့ခမြာ မနေသာဘဲ စားကြပါ.. စားကြပါ ဆိုတော့ စားပွဲထိုးကိုခေါ် နောက်ထပ် တစ်ပွဲ အမြန်မှာပြီး ပွဲကြီးတစ်ပွဲ ထပ်ကြိတ် လိုက်ကြသေးတာကို မနေ့ညက အိမ်မှာ ကတ်ကြေးကိုက် စားကြရင်း ညီအစ်ကိုတွေ အားရပါးရ ပြန်ပြောင်း ပြောဖြစ် ခဲ့ကြသေးတယ်။ ညီအစ်ကို လေးယောက် စလုံးတော့ မဟုတ်ဘူးလေ။ သုံးယောက်တည်း...။

ဒါပေမယ့် အားလုံး စားပြီးသွားချိန်မှာတော့ တစ်ယောက် နှစ်ပွဲ စားလိုက်ကြတဲ့ ညီဖြစ်သူနဲ့ အစ်ကိုဖြစ်သူ နှစ်ယောက် သူတို့ရဲ့ ဗိုက်ပူပူကြီး တွေကို လှန်ပြီး ပက်လက်လှန် လှဲချကာ ဘယ်သူ့ဗိုက် ပိုပူလဲဆိုပြီး အငြင်းပွားနေကြပုံကို မြင်ယောင်ရင်း...

မိုးဝေ
၃း၁၀ ဇူလိုင် ၂၃ ၂၀၀၉

Comments (15)

Subscribe to this comment's feed

Write comment